Ballantyne fjölskyldan

Árið er 1860 og systkinin Robyn og Zouga Ballantyne eru um borð í bandarísku seglskipi. Eftir áralanga fjarveru er ferðinni heitið á æskuslóðir í Afríku. Þar hyggjast þau leita uppi föður sinn og halda áfram linnulausri baráttu hans gegn þrælahaldi. Á meðan á siglingunni stendur uppgötvar Robyn að skipstjórinn aðhefst hluti sem stríða stranglega gegn lífsgildum hennar og við það vakna blendnar tilfinningar innra með henni. Þegar á land er komið tekur við ósnortin náttúrufegurð, margslungnar persónur og óvænt atburðarás, sem mun reyna á fjölskylduböndin og móta framtíðina. Tilvalin lesning fyrir aðdáendur Kim Follett og Clive Cussler.

Synir Zouga Ballantyne hafa nú vaxið úr grasi og feta ótrauðir í fótspor föður síns. Ralph Ballantyne dreymir um það eitt að afla sér auðsældar og beitir sér af krafti fyrir nýlendustefnu Bretlands. Zouga og Ralph ríða nú um lendur Afríku í þeirri von um að finna gull og gimsteina. Leitin reynist þó ekki átakalaus og mæta þeir feðgar harðri mótstöðu ættbálka sem hafa fengið nóg af kúgun og miskunnarleysi slíkra manna. Hundruðum ára og mörgum kynslóðum síðar eru afkomendur Zouga ennþá við lýði í Afríku. Þar tekst Craig Mellow á við afleiðingar forfeðra sinna þegar pólitískur óróleiki og menningarátök leiða til byltingar í suðri. Tilvalin lesning fyrir aðdáendur Kim Follett og Clive Cussler.

Nær tuttugu ár eru liðin síðan Robyn og Zouga Ballantyne hófu nýjan kafla í Afríku og hefur margt á daga þeirra drifið. Zouga vann sér fljótt hylli sem ævintýramaður, rithöfundur og veiðigarpur, en sú frægðarsól hefur dalað með árunum. Allur hans gróði er gott sem upp urinn og vonbrigðin leyna sér ekki. Með nýja ábyrgð á herðum sér, sem eiginmaður og tveggja barna faðir, þráir Zouga ekkert heitar en að grafa upp demanta á auðugum svæðum Suður-Afríku. Altekinn af örvæntingu leggur Zouga upp í afdrifaríkt ferðalag sem einkennist af fórnum, ofbeldi og græðgi. Tilvalin lesning fyrir aðdáendur Kim Follett og Clive Cussler.