Harry Potter (Icelandic)

„Með skjálfandi höndum sneri hann umslaginu við. Á bakhliðinni var purpuralitt innsigli með skjaldamerki: Ljón, örn, greifingi og snákur sem umluktu bókstafinn H." Harry Potter hafði aldrei heyrt um Hogwart þegar bréfin hófu að detta á dyramottuna á Runnaflöt númer 4. Þau eru skrifuð með grænu bleki á gulleitan pappír og með fjólubláu innsigli og gerð tafarlaust upptæk af hræðilegu frænku hans og frænda. En á ellefta afmælisdegi Harrys ryðst risi með glitrandi augu að nafni Rubeus Hagrid inn með undraverðar fréttir: Harry Potter er galdramaður og hefur fengið námsvist við Hogwart, skóla galdra og seiða. Ótrúleg ævintýri eru rétt í þann mund að hefjast! Þematónlist samin af James Hannigan.

„Það eru áætlanir, Harry Potter. Það eru áætlanir um að láta skelfilega atburði gerast í ár í Hogwart - skóla galdra og seiða." Sumar Harrys Potters einkenndist af versta afmælisdegi sem hann hafði átt, dæmalausum viðvörunum frá húsálfi að nafni Dobby og því að vinur hans Ron Weasley bjargaði honum frá Dursley fjölskyldunni í fljúgandi töfrabíl! Þegar Harry er kominn aftur til Hogwart, skóla galdra og seiða, til að hefja annað ár sitt heyrir hann skrýtið hvísl bergmála um tóma gangana - og síðan byrja árásirnar. Nemendur sem eru eins og þeim hafi verið breytt í stein finnast ... Ískyggilegir spádómar Dobbys virðast ætla að rætast. Þematónlist samin af James Hannigan.

„Velkomin í Riddaravagninn, neyðarfarartæki fyrir galdramenn og nornir í ógöngum. Þú þarft ekki annað en að rétta fram sprotann, stíga um borð og við flytjum þig hvert sem þú óskar." Þegar Riddaravagninn kemur í gegnum myrkrið og stöðvast með ískri fyrir framan hann er það upphafið að öðru mjög óvenjulegu ári í Hogwart fyrir Harry Potter. Sirius Black, strokufjöldamorðingi og fylgismaður Voldemorts, er á flótta - og er að því er virðist að leita að Harry. Í fyrsta spádómafræðitímanum hans sér Trelawney prófessor fyrirboða um dauða í telaufum Harrys. En það sem er kannski það skelfilegasta af öllu eru vitsugurnar sem eru á sveimi um skólalóðina með kossum sínum sem soga sálirnar úr mönnum. Þematónlist samin af James Hannigan.

„Verkefnin eru þrjú og verða lögð fyrir á þessu skólaári. Þau reyna á hæfileika þátttakenda á margvíslegan hátt ... galdragáfur - þor - rökhugsun - og að sjálfsögðu getu þeirra til að kljást við hættulegar aðstæður." Þrígaldraleikarnir verða haldnir í Hogwart. Galdramenn yfir sautján ára aldri mega taka þátt - en það kemur ekki í veg fyrir að Harry dreymi um að vinna keppnina. Á hrekkjavökunni þegar eldbikarinn velur meistarana verður Harry forviða að sjá nafn sitt meðal þeirra sem galdrabikarinn velur. Hann mun standa frammi fyrir lífshættulegum þrautum, drekum og illum galdramönnum en með hjálp bestu vina sinna, Ron og Hermonie, kemst hann kannski af lifandi. Þematónlist samin af James Hannigan.

„„Þú deilir hugsunum og tilfinningum með hinum myrka herra. Skólastjórinn telur óráðlegt að þetta haldi áfram. Hann vill að ég kenni þér að loka huga þínum fyrir myrka herranum."" Hogwart stendur frammi fyrir myrkum tímum. Eftir árás vitsuganna á Dudley, frænda hans, veit Harry Potter að Voldemort mun ekki láta neitt stoppa sig við að finna hann. Það eru margir sem þræta fyrir það að hinn myrki herra snúi aftur en Harry er ekki einn: leyniregla safnast saman í Hroðagerði til að berjast gegn myrku öflunum. Harry verður að leyfa prófessor Snape að kenna sér að verjast ofsafengnum árásum Voldemorts á hug sinn. Þær aukast með hverjum deginum og Harry er að renna út á tíma ... Þematónlist samin af James Hannigan.

There it was, hanging in the sky above the school: the blazing green skull with a serpent tongue, the mark Death Eaters left behind whenever they had entered a building...wherever they had murdered...' When Dumbledore arrives at Privet Drive one summer night to collect Harry Potter, his wand hand is blackened and shriveled, but he does not reveal why. Secrets and suspicion are spreading through the wizarding world, and Hogwarts itself is not safe. Harry is convinced that Malfoy bears the Dark Mark: there is a Death Eater amongst them. Harry will need powerful magic and true friends as he explores Voldemort's darkest secrets, and Dumbledore prepares him to face his destiny...

„Færið mér Harry Potter," sagði rödd Voldemorts, „og enginn mun hljóta skaða. Færið mér Harry Potter og ég mun láta skólann óáreittan. Færið mér Harry Potter og ykkur mun verða launað ríkulega." Þegar hann fer upp í hliðarvagninn á mótorhjóli Hagrids, yfirgefur Runnaflöt í síðasta sinn og svífur upp til himna veit Harry Potter að Voldemort og drápararnir eru ekki langt undan. Verndargaldurinn, sem hefur haldið Harry öruggum, er nú rofinn, en hann getur ekki haldið áfram að vera í felum. Myrkrahöfðinginn vekur ugg í brjósti allra sem Harry elskar en Harry verður að finna og eyðileggja helkrossana, sem eftir standa, til að stoppa hann. Lokaorrustan verður að hefjast - Harry verður að standa frammi fyrir óvini sínum ... Þematónlist samin af James Hannigan.